تورک دیلی و ادبیاتی

- سون سئوگیم آذربایجان دیر'------son sevgim Azerbaycandir

	بالاجا قارا بالیق
بالاجا قارا بالیق صمد بهرنگي چیلله آخشامی ایدی. قوجا بالیق دریانین دیبینده نوه-نتیجه لرینی اطرافینا توپلاییب اونلارا ناغیل دانیشیردی: بیری وار ایدی، بیری یوخ ایدی، بیر بالاجا قارا بالیق وار ایدی. او آناسی ایله بیرلیکده کیچیک بیر آرخدا یاشاییردی. آرخین سویو دریه آخیردی. بالاجا قارا بالیقلا آناسی نین بیر قارا داشین دالیندا، یوسونلارین آراسیندا ائولری وار ایدی. آنا و بالا سحردن آخشاما قدر بیر-بیری نین دالینا دوشوب اوزور، هردن باشقا بالیقلارا قوشولوب سورعتله بالاجا بیر یئرده گزیشیر و گئری قاییدیردیلار. قارا بالیق آناسی نین بیرجه سی ایدی.
+ یازیلمیشدیر چهارشنبه 1386/10/19ساعت 14:32 یازان ائلمان(تورک ارسلان) \|

	اؤز دیلیمده
چوخ سئوینیب شنله نیره م اوزدیلیمده سوز یازاندا بولبول کیمی دین له نیره م اوز دیلیمده سوز یازاندا. چوخ شیرین دیر انا دیلیم. قوربان اولوم من بو دیله دنیز کیمی چاغلایئرام اوز دیلیمده سوز یازاندا هر ان بو یورقون جانئما جان باغئشلئر انا دیلیم بیر گولومده ن مین گول اچئر اوز دیلیمده سوز یازاندا چشمه لرده ن اخان سو تک دوم دورودور انا دیلیم بولاخ کیمی قاینییئرام اوز دیلیمده سوز یازاندا چوخ گوزه ل دیر گوزلر کیمی دادلی شیرین سوزلر کیمی سوزله نیره م سازلار کیمی اوز دیلیمده سوز یازاندا عومروم گونوم گوندوزومدی سئوگیم سئودام سئوگیلیم دی گووه نیره م قاینایئرام اوز دیلیمده سوز یازاندا باش باهارئم باش یازئم دئر دادلی دوزلی اوازئم دئر غم لر قاچئر اوره گیمده ن اوز دیلیمده سوز یازاندا چوخ ایستیره م اوچام قاچام اذربایجان ائللرینده قئزل گول تک عطیر ساچام اوز دیلیمده سوز یازاندا اوندان سورا محبتده ن دویغو دولو حرارتده ن دنیز کیمی جوشوب داشام اوز دیلیمده سوز یازاندا هر بیر ائلین بیر داغی وار بویوک یوکسک دایاغی وار منه سونمز چراغ دیلدیر اوز دیلیمده سوز یازاندا سئوینیره م وارلئغئما چونکی دیلیم وارلئغئمدئر داردان قاچوب قورتولورام اوز دیلیمده سوز یازاندا اتام انام یوردوم یووام یاشئل کوینک ائلیم اوبام قلم کیمی چیچکله نیر اوز دیلیمده سوز یازاندا گوزلریمده ن اخان یاشلار گوزه ل گوزه لقلم قاشلار اوره ک سئوه ن سویله ییرلر اوز دیلیمده سوز یازاندا کور اوغلودان قوچ نبی ده ن فضولی ده ن شهریاردان فخر ائده ره ک سوز یازئرام اوز دیلیمده سوز یازاندا گویده قانات اچئر قلم چیرکینلیکده ن قاچئر قلم گول تک عطیر ساچئر قلم اوز دیلیمده سوز یازاندا دامارئمدا قان قاینایئر گوزلریمده جان قاینایئر سوزوم دئیر:یان قاینایئر اوز دیلیمده سوز یازاندا گونش کیمی شاخئر سوزوم چایلار کیمی اخئر سوزوم هئچ بینمیر پاخئر سوزوم اوز ئیلیمده سوز یازاندا نه اولار گوروم اوجالئغئن اوزون عومرون قوجالئغئن یالوارئرام اوز تانرئما اوز دیلیمده سوز یازاندا.
+ یازیلمیشدیر یکشنبه 1386/10/16ساعت 3:11 یازان ائلمان(تورک ارسلان) \|

شکیل

+ یازیلمیشدیر یکشنبه 1386/10/16ساعت 2:6 یازان ائلمان(تورک ارسلان) |

	خوش گلیبسینیز
خوش گلیبسینیز.باخیشی اونوتما
+ یازیلمیشدیر یکشنبه 1386/10/16ساعت 1:52 یازان ائلمان(تورک ارسلان) \|


سنسیزله میشم... بوتون گؤروش ائدنلره سلام اولسون.
+ یازیلمیشدیر یکشنبه 1386/10/16ساعت 1:25 یازان ائلمان(تورک ارسلان) \|

	تبریکلر
DOĞU İLİNİN SONU (31 DEKABR) DÜNYA AZƏRBAYCANLILARIN BİRLİK GÜNÜ UĞURLU OLSUN. YAŞASIN DÜNA AZƏRBAYCANLILARI یاشاسین دونیا آزربایجانلیلاری
+ یازیلمیشدیر دوشنبه 1386/10/10ساعت 13:8 یازان ائلمان(تورک ارسلان) \|

	بولود قارا چورلو
رحمتلی بولود قره چورلودان (سهند) بیر گوزل شعر دیلیمی ، دالیمدان چیخارتسالاردا، قوی قارداش دردیمی دئییم باری بیل گونئی دن – قوزئیه ، غربدن – شرقه. هانسی خالقی گؤردون بیزیم تک ذلیل؟ دئمیرم دونیادا اسارت یوخدور چوخ یئره سونگو تاخمیش استعمار، آنجاق بیزیم کیمی اَزیلن آزدیر، هاردا حاق وئرمز وار حاق تاپیلماز وار! میللی آزادلیقلار عصری اولسادا هر یئرده ، هر یاندا آدی بو عصرین نه ائتمک «دونیانی بوغدا توتسادا، کهلیین روزیسی چینقیلدیر» همین بو شرف ، بو شوکت ، بو قدرت ، بو شان هاردا دوغورداندا بیزه عار اولسون! حیاتین آمانسیز بیر قانونو وار، تعصوب سیز میلت گرک خوار اولسون. میللی تعصوب دن دانیشدیم اولسون اصلینی ایتیرنده حارامزاده دیر، مرد اوغول وطنین حاققین ایتیرمز، وطن اینسانا اَن بؤیوک آنادیر. قویون محکوم اولوم میلت چی لیگه، دونیادا میلیتین سئومه ین کیمدیر؟! دیلین ، ائلین یوردون تالان ائتسه لر آجییب باشینا دؤیمه ین کیمدیر؟! گرک گؤزلریندن گؤز اؤرته هر کس قارغا یوواسینا یاناشسا اگر، نییه وطنیمی سئومه ییم نییه؟ من قارغادان دا اسگییم مگر؟ من دئمیرم اوستون نژاددانام من دئمیره م ائللریم ائللردن باشدی منیم مسلکیمده منیم یولومدا، میلت لر هامیسی دوستدور ، قارداشدیر. چاپماق ایسته میره م من هئچ میلتین، نه دیلین نه یئرین نه ده امه یین تحقیر ائتمه ییرم ، هده له میره م کئچمیشین ، ایندیسین ، یا گله جه یین من آییرما ییرام آیری سالمیرام، قارداشی ، قارداشدان ، آروادی اَردن آنانی بالادان ، اَتی دیرناقدان، اوره یی اوره کدن ، قانادی پردن پوزماق ایسته میره م من بیرلیک لری اینسانلیق بیر لیگی ایده آلیمدیر، قارداشلیق یولداشلیق ابدی باریش دونیادا اَن بؤیوک آرزولاریمدیر. آنجاق بیر سؤزوم وار : من ده اینسانام دیلیم وار ، خالقیم وار ، یوردوم یووام وار، یئردن چیخمامیشام گؤبه لک کیمی آدامام حاققیم وار ائلیم اوبام وار قول یارانمامیشام یاراناندا من هئچ کسه اولمارام نه قول نه اسیر قورتولوش عصری دی اینسانا بو عصر اسیر اولانلارین بوخووون کسیر.
+ یازیلمیشدیر شنبه 1386/10/08ساعت 4:14 یازان ائلمان(تورک ارسلان) \|

	آغ آتیم
استاد هوشنگ جعفری بیزیم میللی شاعیریمیز و اونون « آغ آتیم » شعری آغ آتیم آغ آتیم ، قول قاناتیم ، آت قدمین یورتمه یئری ! [1] آش تپه لردن سیلدیریم تک سره لردن سئله سینمیش دره لردن بو نه طوفاندی گؤزل کهلیگیمی ایستیر آییرسین فره لردن [2] غیرتیم جوشه گلیر غملی خبردن آغ آتیم – قورخما خطردن ! آغ آتیم قول ، قاناتیم ، شیهه چک ، قوی سسیوه بلکه یاتانلاردا اؤیانسین یاتماغین واختی دگیل دروسون اوتانسین یاتانین عؤمرو تالانسین تازا نعلین وار آتیم چال بو داغین سینه سینه ، قوی پارالانسین چال داغین سینه سی باتسین ، یارالانسین داشی داشدان ، آرالانسین آغ آتیم قول قاناتیم داش قایادان آشما چتیندی قاباق اؤز یوققوشادی ، قاشما چتیندی داغا دیرماشما چتیندی داشا ، سووخاشما [3] چتیندی باخما یوللاری چتیندی ، اورانین هیبتی یوخدور آغ آتیم همت ائله ! غیرتی یوخدور هله اؤز یوققوشالار چوخدو قاباقدا آشماق اولماز بو آیاقدا آغ آتیم قول قاناتیم بسدس ایاق ساخلاما ، گون باتدی قارالدی گون گئچیب داغ دالینا رنگی سارالدی داغین اوستون دومان آلدی آغ آتیم ، بس بو نه حالدی؟ بورا یارقاندی [4] آتیم دورما آماندی .... آغ آتیم ، قول قاناتیم آت قدم آیدینلیغا ساری هؤرکوشن [5] اوولاریلان [6] ؛ چیخ سره یاللاری [7] یوخاری قار قالان داغلارا سال بیر نفسین قوی اریسین بوز کیمی چئگینینده کی قاری سولاری آرخلارا سال بلکه سووارسین قوری قالمیش مومالاری قوی بؤیوک گولده اؤزوشسونله یاشیل باش سونالاری آغ آتیم جهد ائله باری سنی تاری ! آغ آتیم ، قول قاناتیم طبعیمین دریاسی جوشقوندو یئل اسدیر لپه لنسین قوی چالیم صخره لره دالغامی [8] ، دالغام سپه لنسین قوی یاغیش تک قورویان داغلارین اؤستونده اله نسین هرزه اوتلاری آپارسین لالا بیتسین هامی گؤللر تزه لنسین گؤلو بلبل یییه لنسین آغ آتیم ، قول قاناتیم آت قدمین قلعه ی بابکدن آشاق قارا گؤنلن ساواشاق آت گؤلوندن سس آتیب ، بابکین حالین سوروشاق یئنه طوفاندا جوشاق دریالار تک قوووشاق آغ آتیم ، قول قاناتیم شیهه چک قوی سسیوه هاجرینی ترکینه چکسین نبی گلسین قوی کور اوغلو آتینی داغلارا سالسین ائشیدیب شیهه نی گلسین الده کسگین قیلیجیلا بویاسین قانه کئچل حمزه نی گلسین قوی کرم سازینی سالسین دؤشونه ، چؤللره دؤشسون های سسی ائللره دؤشسون دئگیلن غملی کرم ایستر اگر ، اصلینی گلسین دشمنین بلکه کسک نسلینی ، گلسین قوی بو داغلاردا بؤیوک هلهله دؤشسون داغلارا ولوله دؤشسون ! آغ آتیم ، قول قاناتیم منه بیر قالغی بابامدان ، بو ورندیلدی ، بونو چئگنیمه ساللام قاراداغ باشینی آللام اورا بیر ولوله ساللام آغ آتیم دورما ، یوبانسان ، دالی قاللام آغ آتیم ، قول قاناتیم بیز اگر قلعه ی سیمرغدان آشساق بیزه آزدی باخما یوللار ناتارازدی باخما بو قارلی دماوند ، بو قفقاز بو هرازدی باخما داغدا هاوا دوتقوندو – آیازدی [9] باخما بو قیشدی بو یازدی آغ آتیم آت قدمین دریا ، دایازدی [10] دریانی گئچسن اگر شهرِ نیازدی اوردا هر قان کی تؤکولدو یئره ، آزادلیقی یازدی بشر آزادلیغا بازدی ! آغ آتیم ، قول قاناتیم اوردا دؤلبرچین اوتو دؤرت پَر آچیبدی اوردا دیللنمگه دیل تازه شیرین دیللر آچیبدی اوردا باغلاردا بوتون گؤل لر آچیبدی آغ آتیم آت قدم آیدینلیغا ساری ! ---------------------------------------------------- ۱-یورتما یئریمک ؛ Yurtma Yerimak؛ آت یئریشی. 2- فره ؛ Fara ؛ کهلیک بالاسی. 3-سووخاشما ؛ Sovkhashma ؛ دیرماشماق 4- یارقان ؛ یارغان ؛ Yarqan ؛ اوچوروم 5- هؤرکوشن ؛ Hurkushan ؛ اورکوشن ؛ قورخوب قاچان. 6- اوو؛ Ov ؛ آو ؛ صید ؛ شکار (عوام تصورونده «آو» فارسجا «آهو» نون مخفف تلفظودور و بو نه یانلیش دیر). 7- دالغا ؛ Dalgha ؛ شپه ؛ موج ؛ لپه. 8- قوووشوق ؛ Qovushuq ؛ چایلارین قوووشان یئری. 9- آیاز ؛ Ayaz ؛ آیلیق و سویوق گئجه. 10- دایاز ؛ Dayaz ؛ کم عمق ؛ درین یوخ! (دوزون سؤزو «دایاز» اوچون فارسجادا دوزگون معادل تاپا بیلمه دیم). http://yorgun.blogfa.com/post-153.aspx
+ یازیلمیشدیر شنبه 1386/10/08ساعت 4:3 یازان ائلمان(تورک ارسلان) \|

	آنا دیلی
¤ آنا ديلي بيرميللتين چيرپينان اؤرگي دير٭زبان مادري قلب تپنده يک ملت است ¤
+ یازیلمیشدیر شنبه 1386/10/08ساعت 3:56 یازان ائلمان(تورک ارسلان) \|

بایاتیلار

بایاتیلار(خالقین اورک سوزو)

موضوع:

آغلارام آغلار کیمی،

دردیم وار داغلار کیمی،

خزان اولدوق توکولدوق،

وئرانا باغلار کیمی.

دومانلی داغلار گویلوم،

نیسکیللی باغلار گویلوم،

نه آچیلار،نه گولر،

همیشه آغلار گویلوم.

آچیلارام گول کیمی،

اوخورام بولبول کیمی،

گویولومه دگن اولسا،

ساراللام سونبول کیمی

فلکین داد الیندن،

اولمادیم شاد الیندن،

یامان یئرده ییخیلیدم،

توتمادی یاد الیمدن.

http://www.fani-dunya.blogfa.com/post-2.aspx

+ یازیلمیشدیر جمعه 1386/10/07ساعت 4:30 یازان ائلمان(تورک ارسلان) |

	سس
یازیرام بلکه اوخویاسان اوخویورام بلکه ائشیدسن ائشیدیرم بلکه دانیشاسان نئدن بئله سوسقون بو سایخین گئجه لری بایقوش سسیله سسلندیرمه سس وئر یازیلاریما بلکه سنی ائشیدم
+ یازیلمیشدیر جمعه 1386/10/07ساعت 4:16 یازان ائلمان(تورک ارسلان) \|

	سئویرم
من سئویرم آذربایجان ائلینی، . . . . . . . . () . . . . . . . . . اؤیره نیرم اونون شیرین دیلینی، . . . . . . . . () . . . . . . . . . بو دیل اجدادیمین حیات سسی دیر، . . . . . . . () . . . . . . . اودلار یوردوموزون اود نفسی دیر! . . . . . . . . ()
+ یازیلمیشدیر جمعه 1386/10/07ساعت 4:13 یازان ائلمان(تورک ارسلان) \|

	دستان
ميرهدايت حصاري گلين بير دستان دئييم ، آنا ديلي حاقين دا نه يئنيش لر، يوخوش لار، گؤروبدور اؤز واقتيندا نئجه عصيرلر بويو ، اؤز يولونو تاپمادي اسيرليگه سيخيشدي ، آزادليقا چاتمادي آمما قوي اول دئييم بيرجه مشهور تاپماجا چوق ساده كي اوشاق دا باشارار اونو آچا نه دير؟ هامميني به زه ر،آمما اؤزو لوت گه زه ر بلي ، اؤزو لوت گه زه ر،آمما هاميني به زه ر فيكير لشيب جاواب وئر،تئز دئنه كي او نه دي تاپانمادين قوي اؤزوم،دئييم كي او ((ايگنه )) دي آمما اونا بير آيري جاواب دا من تاپميشام چوخلو فيكير ده ن سورا بو جاوابا چاتميشام او بيزيم خالقيميزدي اؤزگه لري بزييه ر اؤز ديلي اولا- اولا،اؤزگه ديلده سؤز دييه ر عرب، فارسين ادبين پارلانديريب وار ائيله ر اؤز ادبين دن قاليب ، اؤز ديليني خوار ائيله ر سايسام اونون خدمتين فارس ديلينه ، علمينه اوندا قبول ائدره سن ، احسن دييه رسن منه هاردا بؤيوك دانشمند،شاعر فارسي دا واردي آختارسان گؤره جكسن‌، او بيزدن يادگاردي هر رشته ده،هر ايش ده چوق ماراقلي كتاب لار توركون بيليجي لري ، فارس ديلينده يازيبلار قوي بير ساييم نئچه سين ، نمونه چون اونلاردان سن اؤزونده آختارسان،مين لرجه سين تاپارسان موسيقي ده ، طب ده ، لغت ده‌، نقاشليق دا تاريخ ده، جوغرافي دا، شعرده، خطاطليق دا بيز فارس لارا وئرميشيك چوخلو حاذيق حكيم لر محقق لر، عالم لر، شاعرلر، منجم لر فارسين ادبياتين تورك شاعري يوكسه لتدي ادب آسمانيني ، ستاره يه غرق ائتدي تبريز ايله شيرواندان چيخان شاعري سايسان فارسين شاعرلرينين آرتيق اولار ساييندان ارده بيل دن،طسوج دان،شبستردن،خالخالدان هله قيراقدا قالسين ، شومالي آذربايجان محمد فضولي ، صائب ايله خاقاني ( رحمت ) كوزه كناني ، مجير بيلقاني قطران،همام تبريزدن، مراغه لي اوحدي شبسترلي شيخ محمود، نظامي گنجوي سيد احمد هاتف، شاه فضل اله نعيمي انسانا قيمت وئره ن ، حق شاعري نسيمي فلكي شيرواني، لعلي ، قاسم انوار اشرف مراغه اي ، قوام الدين ذوالفقار شاه اسماعيل ( خطائي ) اونون اوغلو سام ميزا بير آيري شاعر اوغلو شاهزاده بهرام ميرزا صفويه شاهلاري ، هامميسي شاعر ايدي قاجارلاردان دا بعضي بو ايشده ماهر ايدي بابا كوهي معروف، عتيقي تبريزي (( الهي )) بيرده (( جامي )) شكيبي تبريزي حسام الدين چلبي ، حاجي محمد عصار ابوالعلا، حقيقي ، هم صادقي افشار ((سالم))، ((تاثير)) هم ((شريف)) تبريز شاعرلريندن او شاعرلر بئجه ره ن ، علم وهنر شهريندن موللا مراد طسوج لو، حسين كوزه كناني خوي دان حسام و مفتون ، هم سالك ايله فاني ((جرعه))، ((ميرعلي خاوري))، ((شرف الدين رامي)) هم ((لطفعلي دانش))،((سهوي))، ((باقي))و((نامي)) شيخ الرئيس (حيرت) هم شاه عباس ثاني خانيم لاردان پري خان‌، پروين اعتصامي ((مهستي))، ((ماهي خانيم))، (( گوهرآذربايجاني)) اوگول اوزلو شيرين سؤزگؤزل گؤيچك لر هاني؟ آغابگيم جوانشير ، خديجه سلطان خانيم خاتين لاردان بيري ده تبريزلي حئيران خانيم تبريزين گول لرينده ن بيرده خانيم ((جمالي)) شهره ي آفاق اولان جمالي هم كمالي ايرج ميرزا ، طالبوف ، فتحعلي آخوندزاده اجازه وئر باشيني ، آغريتماييم زياده بونلار ققديم كي لردي،جديدلرين مين لري فارسين ادب گولشه نين ائديب ديلر گؤرمه لي قديم لرين ده حتتا، آدلاريني آپارسام كتاب لار قارالانار،‌فقط آدلاري يازسام جغتايي تورك لرين بوردا هله سايميرام ابن سينا ، فاريابي ، كيم دي سايا آلميرام ابوريحان بيروني ، عليشير نوايي شرقي تورك لري سايسام اليمده ن چيخارسايي بورا دا فقط آذري تورك لرينين سؤزودور همان آذري لر كي ، تورك خالقنين گؤزودور تك جه شاعرليك دگيل بيز باشيديق هرايش ده هر هنرده علم ده، آزادليقدا، دؤيوشده نققاشليق ، مينياتور دا، سئحركارليق ائيله ديك خطي بيزگؤزه لله تديك،گه لين كيمي بزه ديك اوندا ابداع،اختراع تبريزده ن باش قووزادي ان ياخشي خط يازانلار بيزيم يوردوموزدادي ميرعلي تبريزي ، (( علابك )) تبريزي عبداله صيرفي ، هم (( ميرك )) تبريزي (( اظهر‌)) محمد ( منشي ) نظامي تبريزي (( ابراهيم ))، (( علي رضا )) ، ميرزا رضي تبريزي اونلار اوولاد به اولاد خطاط،خوشنويس اولدو تاريخين ديوارلاري خوش خط لري ايله دولدو عبدالقادر مراغي هم اوغلو عبدالرحمان نوه سي عبدالعزيز ، موسيقي شناس لاردان اول لغت كتابين،‌تبريزلي قطران يازدي لاپ كاملين اونلارا ( حسين برهان ) يازدي اوندان صورا گه له نلر،اونو رونويس ائتدي اوبير شاهكار ايدي كي،فارس ديلليني ديريلتدي فارس دادا وار البته شيرن ديللي شاعرلر آنجاق اونلار اؤزلزي بو امري تاييد ائيله ر (( تركان پارسي گوي بخشندگان جانند )) فارسي قوشان تورك لره يوخ دوغرودان همانند آذربايجانين ديلي‌،‌شعرديلي ، ادب ديلي هر يئري بير گلستان ، هر گولده يوز بولبولي شعر و ادب يقين بيل بيزيم نسليميزده دي شيرين صحبت ، شيرين سؤز ، بيزيم اصليميزده دي آذري بولبول لري فارسي چهچه ووردولار آنا ديلي خور اولدو، فارسا بنا قوردولار فارسين ادبياتي بيزده ن شيرينليك تاپدي بيزدن آدي يوكسه لدي، بيزده ن بؤيوك لوك تاپدي فارسين گلستانين دا بيزيم گول لر پاريلدار او گول لره باخانلار،لذذه ت چكيب شاد اولار تورك لرين هنري ايدي كي فارسي شكر اولدو فرهنگي غني لشدي،‌ ديلي پر ثمر اولدو بيز فارس ديلين اوجالتديق اوزاقلارا آپارديق شرقه ، غربه‌،‌شومالا‌،‌آوروپايا آپارديق دونيادا مشهور ائتديك اعتبارين چوخالتديق لاكين اؤز ديليميزي ، ياديميزدان چيخارتديق نتيجه سي نه اولدو ؟ دالي قالديق اؤزوموز هله دييه بيلميريك آنا ديل جه سؤزوموز تاپدالييب ازديلر ايل لر بويو بيزلري ديليميزي باغلادي فارسين شوونيست لري شومال آذربايجاني آيريلماسايدي اگر آذربايجان خالقيندان ، ايندي يوخ ايدي خبر اونلار اولماسايديلار بيزده ن اثر يوخ ايدي شانلي تاريخيميزده ن ، ديل دن اثر يوخ ايدي ايندي ايسه خالقيميز تكليفيني آنلايير آناديلي يول آچير، ايش لري سهمانلاير هر انسانين حاققي دير آناديل جه دانيشماق بو حاقي آلماق اوچون ، ايندي گره ك چاليشماق آغلاماسان ممه يوخ، بودور رسمي دونيانين حاققيني آلماق اوچون لازم اولسا وئر جانين حاققي گره ك آلاسان ايسته مك كافي دگيل ظولمكارا يالواريب ، اينله مك كافي دگيل حاققي گره ك آلاسان آصلانلارين آغزيندان ال ساليب چيخارداسان زور ايلن بوغازيندان قوي ايندي دونيا بيلسين بيزيم ده وار ديليميز قودره ت لي فرهنگيميز، تاريخيميز، ائليميز آسمان ادب ده پارلاق اولدوزلار بيزيك ياز فصلينده شيديرقي ياغان بولوت لار بيزيك اوجا، گؤي لره قالخان، شاهين تيز پرواز هنرده مرد ميدان ، ادب ده نكته پرداز شاعرليك ساحه سينده سبقت دوتان بيز اولدوق علم زمينه سينده ، بدعت قويان بيز اولدوق آزادليق ايستيه نده، بيز هر يئرده باشيديق جنگ لرده بيز ايديك، ائل لره يولداشيديق ايراني بيز ساخلاديق يابانچي دوشمانلاردان باشي اوجا چيخميشيق هميشه ميدان لاردتان ايندي گره ك چاليشاق،داشلي گديك لرآشاق گونشي اله سالاق،افق لره نور ساچاق گئچه ني جبران ائده ك،گئجه گوندوز چاليشاق عالمي حئيران ائده ك ، اود الووا آليشاق پاس باسميش فيكيرلره ايش ايله صيقال وئره ك دؤنوب قالميش ديل لره،شكر وئره ك بال وئره ك هر نه گه لسه ( هدايت ) الين ده ن اسيرگه مه كؤمه ك ائت قلمين دن، ديلينده ن اسير گه مه . 1358 گؤنش ايلي
+ یازیلمیشدیر جمعه 1386/10/07ساعت 3:52 یازان ائلمان(تورک ارسلان) \|

	ana dili
آنا ديلينين ناغيلي آلفونس دوده فرانسه لي يازيچي - توركجه يه چئويرن : ر.صفري قايناق: اينفو تورك ( تبريزين ارك قالاسي) سايتي او گون اوخولا گئجيكميشديم و اؤيرتمنيمين منه قارشي نئجه داورانيشيندان يامان قوْرخوردوم. اؤزلليكله ده كي او گون ” ديل گرامري “ درسيني سوروشاجاقميش و من او درسدن بير كلمه بيله اؤيرنمه ميشديم.بير آن خاطيريمدن كئچدي كي درس هابئله اوْخولو بوراخيب چؤل –باييرا ساري گئدم. هاوا ايستي و اوره يه ياتيم ايدي و قوشلار اورماندا اوخويوردولار . بونلار , ديل درسيندن فازلا مني اؤزونه ساري چكيردي اما اؤزومو ساخلاشديريب و حيزليجا اوْخولا ساري گئتديم. كد خدانين ائوينين اؤنوندن كئچركن , ملتين اورادا دايانيب و دوواردا اولان اعلاني اوخومالاريني گؤردوم. ايكي ايل اولاردي كي كنده يئتيشن كدرلي و پيس خبرلر اوردان ياييلاردي . او اوزدن ايدي كي دايانمادان كئچيب و اؤزو- اؤزومه بئله دئييرديم كي ” گؤره سن بيزه يئنه نه يوخو گؤروبلر؟“ و اوخول يولونو اؤنومده دوتوب تلم – تله سيك اؤزومو اوْرايا چاتديرديم. عادي زامانلاردا, درسين باشلانغيجيندا ,اؤيرنجي لرين هاي – كوي سالمالاري و اوُجادان درسي تكرارلامالارينين سسي كندين كوچه - باجالاريني بورويردي و اويرتمن ده الينده كي آغاجيني ماسالا چيْرپيب ( ساكت اولون ) دئيه ردي. او گونده من بئله دوشونوردوم كي دوروم قاباقكيلار كيمي اولاجاق و هامينين هاي – كويونون ايچينده ياواشجاسينا صينيفه گيريب بيري بيلمه دن يئريمده اوتوراجاغام.اما او گون منيم دوشوندوكلريمين تام ترسينه اوْلدو اوخولدا ائله ساكيت ليك و سس سيز ليك حاكيم ايدي كي سانكي بيريسي بيله اورادا يوخ ايدي.پنجره دن صينيفين ايچريسينه باخديم. اؤيرنجي لر اؤز يئرلرينده اوْتورموشدولارو اؤيرتمن ايسه قورخونج آغاجي الينده ايكن درس اوْتاغيندا آدديم آتيردي. قاپيني آچيب و او سس سيزليك و سكوتدا اوتاغا گيرمم گره كيردي. گؤرونوردو كي نه قده ر بو ايشدن چكينيرم. اما اؤزومه گوج وئريب اوتاغا گيرديم.اؤيرتمنيم هئچ آجيقلي و توتغون اولمادان مهربانجاسينا منه باخيب سايغيليقلا دئدي: يئرينده اوتور ؛ آز قاليردي درسي سنسيز باشلاياق. صندللرين قيراغيندان كئچيب دايانمادان يئريمده اوتوردوم. قوروخوم توكولوب و دينج اولدوقدان سونرا تزه جه باشا دوشوردوم كي اؤيرتمنيميزين گونده كي كهنه گئييمي اَينينده دئييل و رسمي گئييميني گئييبدير. اوندان علاوه صينيفي رسمي آنلارا عاييد اولان اؤزل بير گؤزلليك و شكوه بوروموشدو.اما هاميسيندان شاشيرتيجي اولان اتاغين سون سيراسيندا كي عادي زامانلار دا بوش قالان صندللرينده اوتوران, كندين بؤيوكلري ايدي. اونلارين آراسيندا كدخداو پستچي مامورونو و نئچه نفر آغ ساققاللاردان گؤرونوردو.هاميسي توتقون و كدرلي گؤرونوردولر.بير ياشلي كيشي اسكي الفبا كيتابيني ديزلري اوسته آچيب , ايري گؤزلويونون آرخاسيندان اونون حرف و خطلرينه باخيردي. او زامان كي من بو احوالاتدان شاشيريب قالميشديم اؤيرتمني اؤز يئرينده اوتورموش و من اوتاغا گيرن آندا منيمله دانيشديغي كيمي ايستي اما سرت سسله دئدي: ” اوُشاقلار ! بو سونونجو دونه دير كي من سيزه درس دييه جه يم . دشمنلر امر ائديبلر كي بو بؤلگه نين اوْخوللاريندا , اؤز ديللريندن باشقا بير ديلده درس وئريلمه سين. يئني اؤيرتمن يارين گله جك و بوُ ميللي ديلينيزده اوْلان سوْن درسدير كي بو گون اوخويورسوز. سيزدن ايسته ييرم كي بو درسه دقت ائدين.“ بو دانيشيقلار مني چال – چئوير ائتدي. بللي اولدو كي كد خدانين دوواريندا وورولان اعلان بو ايميش: ” بوُندان سوْنرا كندين اوُشاقلارينا مللي ديللريني اؤيرتمك ياساقدير“. بلي بوُ منيم ديليمده اوْلان سوْن درس ايدي. اوْنو داها اؤيرنمه يه جه ييمه مجبور ايديم و ائله او قده ر بيلديييمه قناعت ائتمه لي ايديم.بوندان اؤنجه اؤمرومون اوُزون ساعاتلاريني نئجه هدر ائتديييمدن و اوْخولا گئتمك يئرينه باغا – چؤله گئديب و باشي سويوقلوق ائتديييمه گؤره تاسف له نيرديم. او كيتابلار كي بو زامانا كيمي منه آغير و غم گتيرن ايدي ديل و تاريخ درسي كي چوخ چتينليكله اونا باخا بيليرديم ايندي منه اَن اسكي دوستلار يئرينده ايدي كي اونلاردان آيريلماق مني اينجيديردي.اؤيرتمنيمه گؤره ده بئله دوشونوردوم.اوندان آيريلماق و داها اونو گؤرمه مك فيكري , منه ائتدييي تنبيه لرين و آغاج چارپمالارينين آجيسيني خاطيريمدن چيْخارديردي. ايندي بللي اولدو كي اؤيرتمنيميز نييه اَن ياخشي گئييميني گئييب و نييه كندين آغ ساققاللاري صينيفين آرخاسيندا اوتوروبدولار. اونلار بوندان اؤنجه اوْخولا گلمه ديكلرينه گؤره تاسف له نيرديلر و بئله سانيرديلار كي بو سون درسده حاضير اوْلماقلا اؤيرتمنين گئجه – گوندوز چكدييي 40 ايل بويوندا اولان زحمتلريندن و اوخولدا خدمت گؤسترديييندن تشكر ائتمك اولوردو. بو فيكيرلره دالميشديم كي مني آديملا سسله ديلر. آياق اوسته دوُروب و درسه جواب وئرمه لي ايديم.او آندا بوتون وارليغيمدان كئچه بيلرديم كي تكجه ديل گرامري درسينه ياخشي جواب وئرم اما ائله بيرينجي آندا دايانيب قالديم . باش قالديْريب اؤيرتمنين گؤزونه باخماغا هئچ گوجوم يوخ ايدي. بو آرادا اونون دانيشيغيني ائشيتديم كي مهربانجاسينا دئييردي: ”اوْغول ؛ سني قيناميرام , چون اؤزون آرتيق دانلانيبسان . گؤرورسن كي نه اوز وئريبدير.انسان هر آن اؤزونه دئيير كي واخت واردير. اؤيرنه جه يم .اما گؤرورسن كي نه اوْلايلار اوز وئره بيلر. يازيقلار اولسون كي بيز اؤيرنمه يي باشقا گونه بوراخيريق. ايندي بو مليت كي زور ايله بيزه باشليق ائديرلرحاق لاري واردير كي بيزي دانلاييب و دئسينلر: ” سيز نئجه دئييرسيز كي اؤزگور و مستقل سيزآنجاق هله اؤز ديلينيزده يازيب اوْخويا بيلميرسيز ؟ “ بونونلا بئله اوغول تكجه سن سوچلو دئييلسن . بيز هاميميز دانلانيلماليييق. آتالار و آنالار دا سيزين تربيت و يئتيشمه نيزده اسيرگه نيبلرو سيزي بير ايشه گؤندرمكدن و پول – پارا قازانمانيزدان داها چوخ خوشلانيبلار. مگر من اؤزوم دانلانيلمالييام ؟ ! سيزي درس اوْخوماغا تشويق و وادار ائتمك يئرينه ,دؤنه لر باغيمين سووارماغيني ايسته مه ديم مي؟ و اوْووا چيخماق گؤيلومه دوشنده سيزي اؤز باشينا بوُراخماديم مي؟ . اؤيرتمن هر قوْنودان سؤز آچدي و سوْنوندا سؤزو ملي ديله چاتديردي و دئدي: ” بيزيم ديليميز دونيانين اَن شيرين و يئتگين ديللرينين سيْراسيندادير و بيز اؤز آراميزدا اوْنو قوْرويوب ساخلاماليييق ؛ چون بير ملت دوشمن الينده اسير اولوب و يابانجيلارا مغلوب اولدوغو زامان اؤز ديليني قورويوب ساخلاماقلا بونا بنزر كي دوستاقدا ايكن اورانين آچاريني الينده ساخلاييبدير. سونرا بير كيتاب گؤتوروب ديل گرامري درسيني وئرمه يه باشلادي. او گون او درسي نئجه راحاتجاسينا اؤيرند يييمه شاشيرديم. هر نه دئييردي منه چوخ راحات گليردي و بئله دوشونوردوم كي هئچ بير زامان ايندييه كيمي بو درسه بو قده ر ماراقلي اولماميشديم. و اؤيرتمن ده ايندييه دك بئله دقتله درس اؤيرتمه ميشدي. دئيه سن بو ايستكلي كيشي آيريلمادان اؤنجه بوتون بيليك و علميني بيزيم قافاميزا قويماغي ايسته ييردي. درس سونا چاتديقدان سونرا سيْرا تاپيشيريقلارا يئتيشدي.اؤيرتمن بيزه يئني باشليقلار سئچميشدي كي اونلارين باشيندا ” وطن , دوغما يورد, ميللي ديل “ كيمي سؤزلر گؤزه چارپيردي. ميزلريميزين قيراغينا آسيلان بو باشليقلار صينيفين دؤرد بوُجاغيندا سانكي گؤيلرده اَسيلن ميللي بايراغا بنزه ييردي. بوتون اؤيرنجي لري نئجه درس و تاپيشيريقلاريندا دقتلي و هوسلي اولدوقلاريني و نه قده ر سكوتا دالماقلاريني بيله بئينينه سيغيشديرماق اولمازدي. او سكوتدا كاغيذ اوسته چكيلن قلملرين سس يندن باشقا بير سس قوُلاغا دَيميردي. قوشلار اوخولون داميندا ياواشجاسينا اوخويوردولار و من اونلارين سسينه قولاق آسا- آسا اؤزومده بئله فيكيرلشيرديم كي گؤره سن بونلاريدا يابانجي ديلده اوْخوماغا مجبور ائده جكلر؟ هردن باخيشيمي دفترين صحيفه سيندن گؤتورنده اؤيرتمني ترپنمه دن اؤز يئرينده دوُرموش گؤروردوم كي برلميش باخيشلاري ايله اؤز چئوره سينه باخيردي. دئيه سن ايسته ييردي بوتون اوخولون شكيليني كي دئمك اولاردي اونون ائوي ساييليردي اوره يينده ساخلاسين. فيكيرائدين! تامام 40 ايل اوْلاردي كي او بورادا ياشاييب و بوُ اوْخولدا درس اؤيرتميشدي. تكجه بورادا دَييشن لر ميزلر و صندللريدي كي زامان بويوندا چورويوب بوْياسيز اولموشدولار و نئچه كيچيك آغاجي كي تزه گلدييينده اوخولون باغينا اكميشدي ايندي آرتيق بؤيوك و اوجا آغاجا دؤنموشدولر . اونلاري قويوب ترك ائتمك نه قدر بو كيشييه اوزگون و آجي اولاردي . تكجه اوخولون حيطي يوخ بلكه وطن توپراغيني ابدي اولاراق ترك ائديب اونونلا وداع لاشماق چوخ چتين اولابيلردي. بونونلا بئله اونون اوركلي اولماغي و قاني سويوقلوغونون چوخلوغوندان درسين سون ساعاتلاريني باشا چاتديردي. تاپيشيريقلاري يازاندان سونرا تاريخ درسيني اوخودوق. او زامان اوشاقلار اوجا سسله درسي تكرارلاديلار. اوتاغين سوْن سيْراسيندا اوْتوران كندين ياشلي كيشيلريندن بيريسي كي كيتابي ديزلري اوسته آچيب و ايري گؤزلويونون آرخاسيندان اونا باخيردي اؤيرنجي لر ايله سس سسه وئريب اونلارايله بيرگه درسي تكرارلاييردي. اونون سسي ائله سئوينج و هيجانلا چيخيردي كي بيز اونو ائشيتديكده قريب بير حالا دوشوب و گولمكده آغلاماغا بيله هوس ائديرديك. يازيقلار! اوخولون بو سون گونونون خاطيره سي هر آن بيزيم اوره ييميزده قالاجاق. بو آرادا واخت سونا چاتدي و گون اوْرتا اولدو بو آندا مشق و تمريندن قاييدان يابانجي عسگرلرين شيپور سس لري كوچه ني بورودو. اؤيرتمن رنگي سولموش حالدا آياغا قالخدي , او گونه كيمي اونو بئله عظمتلي گؤرمه ميشديم دئدي: ” ... دوْستلار,اوُشاقلار, من ... من “ اما قهر وكدر بوْغازيندا سسي سينديردي. سؤزونو سونا چاتديرا بيلمه دي.سونرا اوزونو دؤندريب بير تيكه گچ گؤتوردو و هيجان و آغري دان اَسن اَلي ايله قارا تاختادا بو يازيلاري گؤزل يازي ايله يازدي: ” ياشاسين وطن“ او آن يئرينده دوُروب باشيني دوُوارا سؤيكه دي و بير سؤز دئمه دن اَل اشاره سي ايله بيزي بئله باشا سالدي كي : گئدين , آللاه سيزي قوْروسون. سون.
+ یازیلمیشدیر جمعه 1386/10/07ساعت 3:48 یازان ائلمان(تورک ارسلان) \|

	بوتون سس لر سینیر
بوتون سس لر سینیر یاغمورلار منه یوخوسونو یاغیر دی : کیمسه گله جک د یر و منی اوزون یاللی بیر آتلا ، شا ملار یوردونا – اورا کی ، اورادا هئچ بیر اوشاق قورشونلا نمیر آپاراجاق دیر. منه کولک لر سحری اسیر دی کیمسه گوله جک دیر و منی گلین ناز لی بیر دورنا، گؤل لر اؤلکه سینه اورا کی، اورادا هئچ بیر قاناد سینمیر دؤنه جک د یر . قورشونلار منه یوخلو غو ساچدی : کیمسه گلمه یه جک ! و منی اؤزوم قده ر تورپاق ، وارلیغیمین سونونا - اورا کی، اورادا بوتون سس لر سینیر آپاراجاق د یر ! http://yenilik.blogfa.com/
+ یازیلمیشدیر جمعه 1386/10/07ساعت 3:30 یازان ائلمان(تورک ارسلان) \|

	Gün aydın
سعید موغانلی Gün aydın Yaz bir hadısə deyil sənsiz Yaşıl gözlərin Qana dönmüş yay gilasıdırsa Bax, Şəki döşlərində quralıqlara keflidir payız Və qırx yaşından başlanan Saçlarındı qış!... *** Qar güllələrilə, güllələnən mən! Və yazılarda sevilən vətən... Gün aydın sevgilim Gün aydın ay qız Gün aydın beş bölük xəzər dənizi Və yalnız Mahnılarda unudulmayan qarabağ yazı Gün aydın Qarabağ şikəstəsinin qardaşsız qizi!
+ یازیلمیشدیر جمعه 1386/10/07ساعت 3:21 یازان ائلمان(تورک ارسلان) \|

	بيزيم اورمو
کيچيک بير تورک دونياسيدير بيزيم اورمو یارپاق هفته لییی ۱۳۸۴ - علیرضا قولونجو آذربايجان گؤزلدير. بو سؤزون ان اعتيبارلی تانيغی(شاهيدی) ائله بيزيم اورمودور. ههيه اورمو؛ زنگين اعجازلی تورپاغی، ياشيل- مئيوهلی باغلاری، تميزهاواسی، گزمهلی-دولانمالی يئرلری، سئحيرلی- دوزلو گؤلو، اوزومو، دوشابی، نوغولو ايله…خاريق العاده توريزم جاذيبهلری ايله تاماشاچيسينی حيرتلنديرن، شاشيردان اورمو. اسکی تورک بويلاری، تورک طايفالرينين آدينا بيزيم اورمونون کندلری آدی اولاراق راست گليريک، بورادا چئشيتلی تورک لهجهلری دانيشيلير، آذربايجان، آنادولو و تورکمن آشيق صنعتلرينين اؤزهلليکلری، اورمو آشيق مکتبينده گؤرونمکدهدير، بورادا موسلمان تورکون شيعهسی، سوننوسو، اهلی- حقی ياشايير. کيچيک بير تورک دونياسيدير بيزيم اورمو. بيزيم اورمونو قوروماق، اونو ائله اؤزوموز کيمی دئييل اؤزوموزو فدا ائتمکله قوروماق، اورمودان موغايات اولماق، اوندان گؤز بهبهييميز کيمی موغايات اولماق، اونو حيفظ ائتمک، آذربايجانيميزين- وطنيميزين گؤزلليکلرينی، تورک دونياسينين اؤزهلليکلرينی تمثيل ائدن اورمويا، آذربايجانين ايستانبولو اولان اورمويا بورجوموزدور. بو تورپاغين اوغروندا شهيد دوشن، ميلی موجاديلهميز يولوندا بو تورپاغی آل قانلاری ايله سوواران يوزلر شهيده بورجوموزدور. بورجوموزو اؤدهمهليييک، وطنه، آذربايجان ميلتينه، محمد امين آزاد وطنلره، ابراهيم صابونچولارا، ميياوالی عبدالرحمانلارا، دوکتور ذوالفقاریلره و … اورمودا، اورميهده آذربايجان تورک وارليغينی عکس ائتديرن هر نهيی دونيا اجتماعياتينين گؤز اؤنونه سرگيلهمهليييک. بونو ياپماق اوچون باشقالارينی اينکار ائتمکدنسه اؤزوموزو ايثباتلاماق ان گئرچک و ان گووهنلی يولدور، دئيه اينانيرام.
+ یازیلمیشدیر جمعه 1386/10/07ساعت 0:44 یازان ائلمان(تورک ارسلان) \|

تورک دیلی

مرتضی سلمانی

چئوریلم بیر اوشاغا بیرده آنام لای‌لاچا لا

اؤپه اؤزگؤزلریمی جان قادامی بیردن آلا

چالا لایلای بات اوغول "سیل سوپوروم ائوائشییم"

بیرده تیر-تیر اسیله قونداق ائویم یابئشیییم

یادا گلمر کی «لا لا لا گل پونه»دئیه

یا«باش آتماق»عوض دیلده منه «چونه»دئیه

منه سویلردی اصیل کلمه‌لری کورپه چاغی

آچیلان رنگه دئینمزدی«سفید»بلکه آغی

اودئمزدی«آتاوا»سویله گیلن «جان پاپاجان»

اودئییردی منه،ده«جان آنا جان جان آنا جان»

گلدی ایل درس اوخودوم «آب بابا»مشق اولدی منه

تورکی یازماق اوخوماق بیرداها عشق اولدی منه

بیلمدیم«سو»یازیسی تخته‌ده «آب»اولدی ندن

دئدی اوستاد«خواب»اوخی دیلده خواب اولدی ندن

دئدی«خواهر»اوخویون منده «خه‌واهر»اوخودوم

دئدی سن فارسی دانیش تورکونو باشدان توخودوم

بیلمدیم «آتمیشمیز»فارسی‌دادیر بارماق آدی

یا«دونصف»ایله‌مه دی شاقا کیمی یارماق آدی

دئدی«گریان»آناوین لای‌لاسین سال یادیوا

یازگیلن تورکو یازی اعتبار آۀ اوزآدیوا

+ یازیلمیشدیر دوشنبه 1386/10/03ساعت 19:6 یازان ائلمان(تورک ارسلان) |


سلام سایین یولداشلار سیزین باخیشلارینیزی گؤزلورم. یاشاسین تورک دیلیم.یاشاسین آذربایجان نظر قویمامیش گئتمه آی یولداش اؤزوموز اولمالییق اؤزونو تانیمایان تانریسین تانیماز


RSS POWERED BY BLOGFA.COM

رحمتلی بولود قره چورلودان (سهند) بیر گوزل شعر

استاد هوشنگ جعفری بیزیم میللی شاعیریمیز و اونون « آغ آتیم » شعری

¤ آنا ديلي بيرميللتين چيرپينان اؤرگي دير٭زبان مادري قلب تپنده يک ملت است ¤