بير گون يولدا

نئچه گون تره ختور-سايپا اويونودان اؤنجه همكارلاريملا تبريزه گئتمك قرارينا گلديك.اويونا بيرگون قالاندان گئدك-گئتمه يه ك سؤزو هله آغزيميزدان دوشموردو.بيز3 يولداشيديق.اويون گونو اولدو و ماشينيلا گئدن همكاريمي راضي ساليب و ساعات 9- دا اورمودان-تبريزه يوللانديق.قراريميزدا ايكيميز خرجي چكيب و اوبيريده ماشينين گتيرمه سيدي.ماشيندا پ‍‍ژو-فارسيدى‍.اوتورا(ماشينا)كلانتري يولوندان گاز ووروب كؤرپويه ساري يوللانديق.

ماششاللا عوارضى!!! آغا بير اشتباه اولوب بورا عوارضي ده ييل جيب سوياندى! سواري 2000 مين تومن!! اؤزونوز حساب گئدين اوتوبوس-كاميون و ...! بونلارداندا 2500 الى4000 مين تومنه دك پول آليرلار.آللاه بركت وئرسين كيم بئله خيدمتي بيزيم شريف ميللته رد ائدر؟؟؟!!!

هله پول هئچ. بو زامانادا هئچ اؤنملى ده ييل!!!اوندان مهم اولانى گؤزل اورمو گؤلودور.گؤرن آللاه بير كيشي وار دئسين گلين بو اؤلن گؤله فيكير قيلاق.واللاه بو گؤل آزربايجانا بؤيوك تانري نعمتيدير و بيلميرم بيزيم جان يانديران! مسئوللاريميز ندن بورا بير درمان تاپميرلار.هامي ببيلير بو گؤل ايصفاهان و يا تئهران دا اولسايدي نه توريستي بير يئر اولموشدو.نه ائلييه ك بو گؤل غريب آزربايجاندادير.اولسون! بيزه ده آللاه كريمدير.اؤز دئديغيميز بير گون گولر آزربايجان!

گئچيد كاغيزين آليب گئتديك.بوروق-بوروق دار يول و ... دا دئمه بين المللى يول دئسك داها خوشدور!سيز اوستون وورمايين.!!

ايستاديوما يئتيشديك. عجب صفالى يولو واريميش!!كاش آدامين اوردا ائوي اولا.!بيليط آليب گلديك گئچيد قاپيسيندا ايچري گلن تاماشاچيلارا باخديق.آخي اويونون باشلاماسينا 2-3 ساعات قاليردي و آزربايجانين صفالي خالقي بو تئزدن ايستاديوما گليرديلر.دوغروداندا من بو كيچيك اؤمرومده بوجور صفالي-ساده و تعصب لو بير يانچي(طرفدار) گؤرمه ميشديم.تانري تره ختور و باشقا آزربايجان تيم لرينه چوخ گؤرمسين.اينشاللاه.

آما نه فايدا بو قدر يانچييا بير آزجا ده ير (ارزش) وئرن يوخدور.تووالت لرين وضعي چوخ خاراب!سرين سو ايچريده يوخ!(واريدي اما ائشيكده!)آرخايين اولمالي بير يئمك يوخ!بيليط ساتان يئر آز! و دا نه باشينيزي آغرييا ساليم نه دئسك آزدير.آما بو نوقصانلاري قاني ايستي طرفدار آرادان آپارير.ياواش- ياواش ايستاديوم دولوردو و تاماشاچيلار نووبتله اويونچولاري آلقيشلاييرديلار.دئمك اولار آزربايجانين بير چوخ شهر و كندلريندن بورا گلميشديلر؛اردبيل-اورمو-قوشاچاي(مياندوآب)-سولدوز و مرند و ...و تبريزين اؤزوندن و گؤزل-گؤزل توركجه شوعارلار يازميشديلار.بير ياندادا تبريز بيليم يوردون اؤيرنجيلري بؤيوك بير پارچا يازيب گتيرميشديلر.بو صحنه لر مني و بيليرم بوتون توركلري چوخ-چوخ سئويديرير.

اويون باشلاميشدي و تيره ختور فقط حمله ائديردي،آما تجروبه سيزليك و آز ديققتسيز و گنج اولماقلاري اونلاري گل وورماقدان ساخليردي.دئمك اولار بؤيوك بير گوجلو اولان مهاجم يئري بوش گؤرونوردو و حتمن ده مربي اؤزو بونلاري بيلير و گلجكده بونلار هاميسي اينشاللاه آرادان قالديريلسين و گوجلو بير تيمين يانچيسي اولماغينا فخر ائدك.

بيرينجي يارينين سونلاريندا تيره ختور بير گل ووروب و بوتون ايستاديومو سئوينجله قرق ائتدي.سئوينجكدن بيلميرديك نه ائدك.!!

وار اول تيره ختور.ياشا آزربايجان.آما ايكينجي ياريدا (نيمه)دئديگيم ضعف لرين كؤته يين يئديك و سونوندا تيره ختور بيرينجي دؤنه اولاراق تبريزده اودوزدو.

چاره يوخ فوتبالدي هئچ نه يين دئمك اولماز و اينشاللاه گلن اويونلاردا ضعف لري قالديريب باشاريلارا ال تاپا بيلك.

اويون قورتولاندان سونرا  اورك دولو كدر له اورمويا ساري يولا دوشدوك......

يئنه گله جم شامپيون تيره ختوروم

ائلمان